Almatyda úı karantınin buzǵan 82 adamǵa aıyppul salyndy

ALMATY. QazAqparat – Almatyda úı karantınin buzǵan «qyzyl» mártebedegi 82 adamǵa 30 AEK kóleminde aıyppul salyndy, dep habarlaıdy QazAqparat tilshisi.

COVID-19 anyqtalǵan almatylyqtar qoǵamdyq oryndarǵa baryp, «ASHYQ» boıynsha jumys isteıtin HQO, meıramhana, fıtnes-ortalyqtar, áýejaı jáne t.b. mekemelerdiń qyzmetterin paıdalanbaq bolǵan.

Tómende kórsetilgen «qyzyl» mártebedegi adamdar «ASHYQ» jobasy boıynsha jumys isteıtin nysandarǵa kirgizilmedi.

Ózin-ózi oqshaýlaý rejımin buzǵan turǵyndar – bankter, ýnıversıtetter, saýda, meıramhanalar, bilim berý uıymdary, baılanys, zeınetaqy qory jáne basqa da nysandardyń qyzmetkerleri.

Sanıtarııalyq-epıdemıologııalyq baqylaý departamenti ambýlatorııalyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady. Juqtyrǵandarmen baılanysta bolǵan adamdar da ózin-ózi oqshaýlaý rejımin saqtaýy jáne basqa adamdardyń juqtyrýyn boldyrmaý úshin adamdar jappaı jınalatyn oryndarǵa barýdan bas tartýy tıis.