Almatyda ustalǵan eki qylmystyq toptan taǵy birneshe qarý-jaraq tabyldy
Buryn habarlanǵandaı, 27 mamyrda Ulttyq qaýipsizdik komıteti Іshki ister mınıstrligimen birlesip, Almaty qalasy men Almaty oblysynda arnaıy operatsııa júrgizgen. Nátıjesinde eki uıymdasqan qylmystyq toptyń zańǵa qaıshy áreketiniń joly kesildi.
«Fıgýranttardyń turǵylyqty jerin tintý kezinde ártúrli 11 qarý men 200-den astam oq-dári alyndy. Ustalǵan top músheleri sotqa deıingi tergeý protsesinde kinásin moıyndap, tergeýmen yntymaqtasýǵa kelisti. Odan basqa, eki kúdikti buryn jasyrylǵan atys qarýy men oq-dárini erikti túrde beretin boldy» delingen habarlamada.
Atalmysh eki adamnyń kórsetýimen 1 maýsymda Almaty oblysynyń Taldyqorǵan qalasy men Eskeldi aýdanynda patrondary bar «Kalashnıkov» avtomaty, «Saıga-410» qylmystyq kesindi karabıni jáne kelte ańshy myltyǵy tabylyp, alyndy.
Jedel-tergeý is-sharalary jalǵasyp jatyr.