Almatyda úshemniń anasyna syı-sııapat jasaldy
23:26, 20 Qyrkúıek 2022
ALMATY. QazAqparat - Almaty ákiminiń orynbasary Ásem Núsipova jýyrda úshem bosanǵan anany quttyqtap, úıine bardy, dep habarlaıdy QazAqparat tilshisi.
Qyrkúıek aıynyń basynda dúnıege kelgen úsh uldyń qazir jaǵdaıy jaqsy. Búgin salmaq jınap, shırap qalǵan sábıler anasymen birge úıine shyqty. Qala ákimdigi áýlet qýanyshyna ortaqtasyp, quttyqtaý úshin arnaıy bardy.
«Sizderdi qalanyń barlyq turǵynynyń atynan shyn júrekten quttyqtaımyz! Bul shynymen de keremet oqıǵa. Ana men balaǵa zor densaýlyq, mol tabys jáne barlyq jaqsylyqty tileımin», - dedi Ásem Núsipova.
Sondaı-aq ol Almaty qalasy ákimdiginiń atynan balalar arbasyn, oıynshyqtar men túrli jıyntyqty syıǵa tartty.
Buǵan deıin úshem júktiliktiń 34 aptasynda kesar tiligi arqyly dúnıege kelgeni týraly jazǵan bolatynbyz.