Almatyda úsh saǵattyń ishinde 100 myńnan asa adam daýys bergen

ALMATY. QazAqparat – Almatyda 3 saǵat ishinde 109 myńnan asa adam daýys bergen. Bul týraly onlaın brıfıng barysynda Almaty qalasy aýmaqtyq saılaý komıssııasynyń tóraǵasy Janna Asanova aıtty, dep habarlaıdy QazAqparat tilshisi.

«Qazirgi tańda Almatyda 1 mln 132 myń 232 adamnan 109 myń 600 adam daýys bergen. Daýys berýshilerdiń sany saǵat sanap artyp keledi», - dedi spıker.

Aıta ketý kerek, búgin ıaǵnı, 10 qańtarda QR Parlamenti Májilisi men Máslıhat depýtattaryn saılaý bastaldy.

Almatyda 507 saılaý ýchaskesi tańǵy 07:00-den bastap ashyldy. Daýys berý oryndary «QR Saılaý týraly» zańynyń, Ortalyq saılaý komıssııasynyń talaptaryna saı keledi.

507 ýchaskede 2535 medıtsınalyq qyzmetker: 1014 dáriger, 1521 medbıke jumys isteıtin bolady. Odan bólek keıbir saılaý ýchaskeleriniń janynda Jedel járdem kezekshilik etetin bolady.

Saılaýshylar maskamen kelýge mindetteledi. Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyıym salynady.