Almatyda úsh aýysymmen oqytatyn mektep joq - ákimdik

ALMATY. QazAqparat- Bıyl Almaty mektepterinde 261 myńnan astam oqýshy oqyp júr. Bul ótken jylmen salystyrǵanda 17 myń balaǵa kóp, dep habarlaıdy QazAqparat tilshsi.

Almaty qalalyq bilim basqarmasy basshysy Gúlnar Qojabergenovanyń aıtýynsha, jańa oqý jylynda Bostandyq aýdanyndaǵy № 105 mektep - 300 orynǵa, Alataý aýdanyndaǵy № 201 mektep-gımnazııasynyń ǵımaraty 600 orynǵa deıin keńeıtildi.
«Jańa oqý jyly aıaqtalǵanǵa deıin Túrksib aýdany «Nurshashqan» eldi mekenindegi 600 oryndyq mektep, Áýezov aýdanynyń «Mamyr» eldi mekenindegi 1200 oryndyq bilim oshaǵynyń qurylysyn aıaqtaý josparlanǵan», - dedi Gúlnar Qojabergenova ákimdiktiń baspasóz ortalyǵynda ótken brıfıngte.
Sonymen qatar ol Almatyda úsh aýysymmen oqytatyn mektep joq ekenin atap ótti.