Almatyda úsh aýdanda sýyq sý bolmaıdy
16:17, 19 Qyrkúıek 2018
ALMATY. QazAqparat - Almatyda úsh aýdanda segmentarly tártipte sýyq sý ajyratylady, dep habarlaıdy QazAqparat tilshisi. Bul týraly «Almaty sý» holdınginiń baspasóz qyzmeti málim etti.
24 qyrkúıekte Alataý, Jetisý, Túrksib aýdandarynyń soltústigine qaraı Rysqulov kóshesinen tómen ornalasqan ǵımarattarda segmentarly túrde 20:00-den bastap sýyq sý ajyratylady.
Ýaqytsha qolaısyzdyq dıametri 1200-1400 mm bolatyn Talǵar sý qubyryn josparly túrde jóndeýmen baılanysty bolyp otyr. Atalǵan ýchaskede sý qubyrlary 50 jyldan beri aýystyrylmaǵan. Sý jóndeý jumystary aıaqtalýyna qaraı kezeń-kezeńimen qosylady.
«Sýyq sý 26 qyrkúıekte tolyǵymen qosylady. Áleýmettik mańyzy bar nysandar 23 avtotsısterna arqyly sýmen qamtylady. Ýaqytsha qolaısyzdyqtar úshin keshirim suraımyz»,- dedi baspasóz qyzmetinen.