Almatyda ury Honda Odyssey kólikterin ǵana urlap kelgen

ALMATY. QazAqparat- Almatyda 29 jastaǵy er adam Qyrǵyzstanda tirkelgen «Honda Odyssey» kóligin urlap ketti, dep habarlaıdy qazAqparat tilshisi.

Almaty qalalyq polıtsııa departamentiniń málimetinshe, ustalǵan azamat tek Qyrǵyzstanda tirkelgen Honda Odyssey kólikterin urlaýǵa mashyqtanǵan. Kúdiktini áshkereleý jáne ustaý is-sharasyn Alataý aýdandyq PB janyndaǵy polıtsııa bóliminiń jáne krımınaldyq polıtsııanyń qyzmetkerleri júrgizdi.

«Jedel-izdestirý is-sharalaryn júrgizý barysynda kúdikti anyqtalyp, turǵylyqty jeri Almaty oblysy, Qarasaı aýdanynda ustaldy. Anyqtalǵandaı, buryn tonaý jáne urlyq jasaǵany úshin sottalǵan 29 jastaǵy K. esimdi azamat, túnde qulypty ashatyn jáne qozǵaltqyshty iske qosýǵa arnalǵan arnaıy tehnıkanyń kómegimen Honda Odyssey avtokólikterin urlap kelgen», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.

Alataý aýdandyq polıtsııa basqarmasy janyndaǵy polıtsııa bóliminiń bastyǵy Qumarbek Kenshinbaev kúdiktiniń urlanǵan kólikterdi satýmen aınalysqanyn atap ótti. Kúdikti sońǵy ret urlaǵan kóliginen qutylyp úlgermedi. Kólik tabyldy jáne tárkilendi.

Qylmystyq is QR QK-niń 188-baby 3-bóligi boıynsha tergelýde. Kúıdikti ýaqytsha ustaý ızolıatoryna qamaldy.