Almatyda «Urpaqqa uran bolǵan Uly Jeńis» atty kitap kórmesi ótti

/strong>Sáýirdiń 26-sy. QazAqparat / Ádilet Musahaev / - Búgin Almatydaǵy Respýblıkalyq kitap murajaıynda Uly Jeńistiń 65 jyldyǵyna arnalǵan «Urpaqqa uran bolǵan Uly Jeńis» atty arnaıy kórme ashyldy,

dep habarlaıdy QazAqparat.

Kórmege Uly Otan soǵysynyń otty jyldaryna ardagerlerdiń ózderi kýá bolyp jazǵan kitaptary qoıylǵan. Sonymen qatar kórme «Qazaqstandyqtar Uly Otan soǵysynda - Moskva túbindegi shaıqas», «Bári de maıdan úshin, bári de jeńis úshin» jáne taǵy basqa bólimderden turady.

Uly Otan soǵysy ardagerleriniń qatysýymen ótken kórme barysynda mektep oqýshylary maıdanǵa qatysqan ardagerlerdiń óleńderin oqyp, sol ýaqytta shyqqan patrıottyq ánderdi aıtty.

«Soǵysqa qatysqan jazýshylar sany buryn 40-tan asatyn, qazir olardyń kópshiligi ómirden ótip ketti. Maıdangerlerden Ábdijámil Nurpeıisov, Muzafar Álimbaev sııaqty azdaǵan adamdar ǵana qaldy. Men soǵysqa Almatyda jasaqtalǵan 100-shi qazaq atqyshtar brıgadasymen barǵan edim. Brıgada maıdanǵa 5 myń adam bolyp baryp, olardyń tek 500-i ǵana elge oraldy. Sonyń 200-deıi osy Almatyda turýshy edi, búgingi kúni olardan da 3-4 adam qaldy. Uly Jeńistiń 65-jyldyǵyna jetkenimizge qýanyshtymyz», deıdi Uly Otan soǵysynyń ardageri, jazýshy Ázilhan Nurshaıyqov.

Sondaı-aq ol Uly Otan soǵysynda jeńiske jetýge tórt túrli faktor áser etkendigin aıtady. «Armııanyń kúsh-qýaty, sol Armııaǵa kómektesken eldiń qaısarlyǵy, halyqtar dostyǵy men Otanǵa, elge degen uly mahabbattyń arqasynda jeńiske jettik», deıdi ardager.