Almatyda Ýnıversıada qarsańyndaǵy qaýipsizdik sharalary kúsheıtildi

ASTANA. QazAqparat - Almatylyq quqyq qorǵaýshylar baıraqty báseke aldyndaǵy mindetterine kiristi. Shara aıasynda qala men oǵan jaqyn ornalasqan eldi meken turǵyndary esepke alyndy. Bekitilgen tártip boıynsha saqshylar kúnine 40 úıdi aralap shyǵady, dep habarlaıdy 24.kz

Saqshylar azamattardy tekserip, qandaıda bir quqyq buzýshylyqqa qatysy joq bolsa, úılerine qaıtarady. Ýnıversıada aldyndaǵy daıyndyq jumystaryna baılanysty jergilikti polıtsııa qyzmeti turǵyndardy tekserip, tizimge alýda. Sonymen qatar, arnaıy taqtaǵa tizimderi ilingen kúdiktilerdi ustaý da saqshylarǵa júktelgen mindettiń biri. Almaty qalasynda qazir 1,5 mıllıonnan asa halyq bar. Jıyrma besinshi qańtarǵa deıin sozylatyn esepke alý sharasy aıasynda turǵyndardyń barlyǵy qamtylmaq. Ár saqshy kúnine orta eseppen 40 úıdiń esigin qaǵyp, sonda turatyndardy tizimge alýda.

«Ózimizdiń ýchaskelik ınspektordy tanımyn. Óte qarapaıym, aqyldy jigit. Barlyǵyn isteıdi, barlyǵyn oryndaıdy. Óte tynysh. Anda-sanda kelip tekseredi. Esepke alý sharasynyń taǵy birneshe maqsaty bar. Qaladaǵy azamattyq qarý men onyń ıeleri de tekseriledi. Oǵan qosa, quqyq buzýshylyq pen qylmystyń alýda mindetti»,-deıdi qala turǵyny Qarlyǵash Tuńǵyshbaeva.

«Búgin bastalǵan tekseris barysynda jergilikti polıtsııanyń partýldik qyzmetimen eki azamat ustaldy. Olardyń jeke basyn qýálandyratyn qujattary bolmaǵan. Olar qazir aýdandyq ishki ister bólimine jetkizilip, jeke bastary anyqtalýda. Reıd Almaty oblysynyń qalaǵa japsarlaı ornalasqan aýdandarynda da ótýde. Basty maqsat - Ýnıversıada aldynda jáne búkilálemdik saıys kezindegi qaýipsizdikti kúsheıtý»,-deıdi aýdandyq jergilikti polıtsııa basshysynyń orynbasary Qýan Quttybek.