Almatyda úndi shtamyna baılanysty karantın kúsheıtile me
«Qazirgi ýaqytta búkil jerde engiziledi. Biraq biz Qazaqstannyń bas memlekettik sanıtarııa dárigeriniń qaýlysyn kútip otyrmyz. Bárimiz bilemiz, 22 maýsymda vedomstvoaralyq komıssııa basshysy bas sanıtar dárigerge halyqqa qyzmet kórsetý salasyndaǵy adamdarǵa mindetti vaktsına salýǵa qatysty shara qabyldaýdy tapsyrdy», - dedi ol.
Jandarbek Bekshın qaýipti indetti juqtyrýǵa bolatyn negizgi oryndardy atady.
«Qala turǵyndarynyń 28% - sýper-gıpermarketterde, 5% - SOSO men saýda úılerinde, 3% - azyq-túlik satpaıtyn dúkenderde juqtyrǵan. Qoǵamdyq kólikte koronavırýs juqtyrý yqtımaldyǵy - 17%, bazarda - 12%, tamaqtaný oryndarynda - 7%, saıabaqtar men jaıaý júrginshiler kóshesinde adamdardyń jınalýy 4% baıqalady»,-dedi ol.
Bul rette Jandarbek Bekshın Ashyq nysandarynda juqtyrý jaǵdaıy tirkelmegenin aıtty.
Almaty qalasynyń sanıtar dárigerleri men epıdemıologtarynyń aıtýynsha, qaýipti aımaqta 20-38 jas aralyǵyndaǵy turǵyndar tirkelgen.
Bul jas tobynda 38% ınfektsııa tirkelgen, bul olardyń arasynda erikti vaktsınalaý belsendiliginiń tómendigin kórsetedi.
40 pen 60 jas aralyǵyndaǵy almatylyqtardyń 25%-y da ınfektsııaǵa beıim, al 70 jastan asqan adamdar indet juqtyrǵandardyń 20% quraıdy.
Sonymen qatar, ol Almatynyń «jasyl» aımaqqa ótýi úshin halyqqa epıdemııaǵa qarsy sharalardy qatań saqtaý qajet ekenin atap ótti.
«Betperdeni durys taǵý kerek, ásirese qoǵamdyq orynda, sonyń ishinde qoǵamdyq kólikte áleýmettik qashyqtyqty saqtaý kerek. Ujymdyq ımmýnıtetti qalyptastyrý úshin belsendi túrde vaktsına alyńyz. Kópshilik is-sharalarǵa, sonyń ishinde toı men basqa da otbasylyq merekelerge qatyspaý ári uıymdastyrmaý kerek. Eń bastysy, epıdemıologııalyq ahýaldyń «qyzyl» aımaǵyndaǵy óńirlerge shyqpaǵan jón», – deıdi Almaty qalasynyń bas sanıtar dárigeri.