Almatyda Uly Jeńistiń 65 jyldyǵyna arnalǵan kórme ashyldy

ALMATY. Sáýirdiń 28-i. QazAqparat / Ádilet Musahaev / - Atalmysh kórmeni Á.Qasteev atyndaǵy QR Memlekettik óner murajaıy men QR Ulttyq qaýipsizdik komıteti uıymdastyryp otyr,

dep habarlaıdy QazAqparat.

1941-1945 jyldardaǵy Uly Otan soǵysyndaǵy Jeńistiń 65 jyldyǵy Qazaqstan úshin ǵana emes, búkilálemdik qaýymdastyq úshin mańyzdy oqıǵa.

Surapyl soǵysta qaza tapqandardy eske alýǵa baǵyttalǵan kórme QR UQK Áskerı ınstıtýtynyń ǵımaratynda ótýde.

Kórmege Á.Qasteev atyndaǵy óner murajaıy qorynan otyzdan asa keskindeme jáne grafıka týyndylary qoıylǵan. Sonymen qatar kórmege Uly Otan soǵysynyń ardagerleri - maıdanger-sýretshilerdiń týyndylary men soǵystan keıingi jyldary jasalǵan dúnıeleri qoıylǵan.

Bul týyndylar soǵys jyldarynyń shejiresi sııaqty. Murajaı qorynyń soǵys taqyrybyndaǵy úzdik dúnıeleri kópten kútken Uly Jeńis oqıǵalaryn adamdardyń máńgi esinde qaldyrady.