Almatyda Uly Otan soǵysyndaǵy qazaq jýrnalıstıkasy jaıly ǵylymı konferentsııa ótedi
dep habarlaıdy QazAqparat.
Sharany QR JOO qaýymdastyǵy, Qazaqstan jýrnalıster akademııasy, QR Jýrnalıster odaǵy men Ulttyq kitaphana uıymdastyryp otyr.
Uly Otan soǵysy tusynda 20-ǵa jýyq maıdandyq, áskerı dıvızıondy gazetter shyǵyp tursa, sonyń kóptegen paraqtary qazaq tilinde jaryq kórgen. Olardyń tarıhı áli kúnge deıin zerttelmeı keledi. Maıdandaǵy basylymdardyń negizgi mindeti dushpanǵa degen óshpendilikti arttyryp, jaýyngerlerdi Otan súıgishtikke tárbıeleý bolatyn.
Maıdan gazetterin daıyndyǵy joǵary - A.Elshibekov, D.Ábilov, S.Omarov, M.Dinıshev, P.Kýznetsov, G.Ábishev, A.Sársenbaev, T.Áshimbaev, K.Bekhojın, S.Seıitov, J.Moldaǵalıev, A.Ipmaǵambetov syndy 70-ke jýyq ulttyq rýhy bıik, kórnekti ókilder shyǵarǵan. Sonyń ishinde Baýbek Bulqyshevtiń jaryq kórgen eńbekterin erekshe atýǵa bolady. Sondaı-aq maıdan jýrnalısteriniń ishinde Z.Aıtqojına, T.Matkarımova, R.Janbekova sııaqty úsh áıel bolǵan.
Konferentsııaǵa oraı tarıh ǵylymdarynyń doktory, jýrnalıster akademııasynyń prezıdenti Saǵymbaı Qozybaevtyń tarıhı-pýblıtsıstıkalyq «Opalennaıa voınoı. Kazahskaıa frontovaıa pechat» kitaby jaryq kórgen. Atalmysh kitaptan maıdan jýrnalıstıkasynyń buǵan deıin belgisiz bolyp kelgen málimetterin, muraǵattyq fotoderekter men Uly Otan soǵysynyń surapyl kúnderindegi ulttyq pýblıtsıstıkanyń úlgilerin kórýge bolady.