Almatyda Ulttyq ınjenerlik akademııa tóralqasynyń keńeıtilgen májilisi ótip jatyr
Bul jaıly búgin Almatyda ótip jatqan Ulttyq ınjenerlik akademııa tóralqasynyń keńeıtilgen májilisinde aıtyldy.
Oǵan ǵalymdar, ınjenerler, joǵary oqý oryndarynyń jáne iri ónerkásip mekemeleriniń basshylary qatysýda. Májiliste elimizdiń ekonomıkasyna, joǵary tehnologııa salalaryna jastardy tartý, Údemeli ındýstrııalyq-ınnovatsııalyq baǵdarlamanyń iske asýy jáne ınjenerlik kadrlardy daıarlaý máselesin talqylanyp jatyr. Óıtkeni QR Údemeli ındýstrııalyq-ınnovatsııalyq damý baǵdarlamasynyń sheńberinde jańa kásiporyndar qurylýda. Bul eń aldymen ındýstrııalyq-tehnıkalyq mamandyqtardy qajet etýde.
QR Ulttyq ınjenerlik akademııasynyń prezıdenti Baqytjan Jumaǵulovtyń aıtýynsha, qarjylyq jáne materıaldyq qorlardy tıimsiz qoldaný aǵymy áli saqtalýda. Osyǵan oraı qajetti mamandardy daıyndaý júıesin, mamandardy daıarlaý ortalyqtary men jańa kásiporyndardyń jetekshileriniń múddelerin bir jerge toǵystyrý qajettigi týyndap otyr. Innovatsııa jáne joǵary tehnologııalyq óndiristik menedjerlerdi, ınjenerlik-tehnıkalyq kadrlardy maqsatty ázirleý júıelerinde baqylaý men marketıng jetispeýde. Sondyqtan olar májilis sońynda orta, arnaýly jáne joǵary oqý oryndaryn bitirýshiler men Qazaqstanyń barlyq jastaryn ınjener mamandyǵyn tańdaýǵa shaqyratyn úndeý qabyldamaq.