Almatyda Ýkraına azamaty bosqyn mártebesin berýdi surady
17:55, 20 Sáýir 2022
NUR-SULTAN. QazAqparat – Kóliktegi polıtsııa departamentiniń kóshi-qon qyzmetiniń ókilderi Almaty qalasynyń polıtsııa departamentimen birlesip, Ýkraına azamatyna Almaty qalasynyń áýejaıy arqyly QR Memlekettik shekarasynan ótýge kómek kórsetti, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
«Ýkraına azamaty ótinish bildirgen kezde Almaty áýejaıynyń polıtsııa bóliminiń qyzmetkerleri shekarany kesip ótý kezinde týyndaǵan máseleni sheshýde, tipti fotograf qyzmetin usynýǵa deıin dereý kómek kórsetken», - dep habarlady vedomstvonyń baspasóz qyzmeti.
Qazirgi ýaqytta Ýkraınalyq áıel Qazaqstan Respýblıkasynyń «Bosqyndar týraly» Zańyna sáıkes Almaty qalasynyń jergilikti atqarýshy organyna bosqyn mártebesin berý týraly ótinishpen júgingen.