Almatyda ýchaskelik polıtsııa ınspektorlary kópbalaly otbasyny órtten qutqardy
Almaty qalalyq Polıtsııa departamentiniń málimetinshe, qutqarylǵandardyń arasynda tórt bala boldy, olardyń eń kishisi úsh jasta.
«Áriptesim, Samat Nurovpen birge tańerteń jumysqa bara jatqan edik. Jansúgirov kóshesiniń boıymen kele jatyp, jeke sektordan shyqqan qoıý tútindi baıqadyq. Keri qaraı burylyp, 657-úıge qaraı júgirdik. Monsha órtenip jatyr eken, órt úıge de tarap úlgergen. Іshinde adamdar boldy. Olar qatty uıyqtap jatqandyqtan, otty sezbegen. Olardy oıatyp úıdiń terezesi arqyly alyp shyǵa bastadyq. Aldymen balalardy, sodan keıin eresekterdi shyǵardyq. Otaǵasy túpki bólmeden ájeıdi shyǵardy, biz ony tereze aldynda kútip aldyq. Sonymen qatar qosymsha kómekti de shaqyrdyq. Patrýldik ekıpaj kelip, jaqyn mańdaǵy úılerdiń turǵyndaryn evakýatsııalady. bastady. Órttiń jaqyn ornalasqan basqa turǵyn úılerge taralý qaýpi boldy. Qudaıǵa shúkir, eshkim zardap shekken joq», – dedi Túrksib aýdandyq Polıtsııa basqarmasynyń ýchaskelik ınspektory Jaınat Moldaǵalı.
Órttiń shyǵý sebebin mamandar anyqtap jatyr.
«Men polıtseılerge qatty rızamyn. Eger olar bolmasa, biz bárimiz, búkil otbasymyzben órtenip keter edik. Janymyzdan ótip ketpeı bizge kómekteskenderińiz úshin kóp rahmet», – dedi kópbalaly ana.