Almatyda ýchaskelerdiń kabınasynda perde joqtyǵyna eshkim shaǵymdanǵan joq - komıssııa
Komıssııa tóraǵasy Janna Asanova azamattardyń qujatsyz, senimhatpen daýys berýge árekettengenin aıtyp berdi.
«Shymkentten bir otbasy kelip, senimhat boıynsha daýys berýge nıet bildirdi. Biz olaı isteýge bolmaıtynyn túsindirdik. Sebebi, belgili zań normalary men tizim jasaý tártibi bar», - dedi Janna Asanova.
Ol sondaı-aq referendým ýchaskelerindegi kabınalarda perde nege joq ekenin túsindirdi.
«Perdelerdiń bolatyn-bolmaıtynyn jáne kabına ornalastyrýdy referendým ýchaskeleriniń tóraǵasy belgileıdi. Kabınet – saılaýshyǵa daýys berýge múmkindik jasaıtyn shartty oryn. Perde, ádette, psıhologııalyq sıpatqa ıe. Eger shymyldyq saılaýshyǵa qajet bolsa, onda ol bar bolsa, túsirilýi múmkin. Bastysy - daýys berýdiń qupııalylyǵy qaǵıdasy saqtalyp, jáshik ashyq jerde turýy kerek. Perdelerdiń bolmaýyna qatysty eshqandaı shaǵym bolǵan joq», - dedi J.Asanova.
Aıta keteıik, búgin Almatyda jelide taraǵan vıdeodan soń referendým komıssııasynyń músheleri jumystan shettetildi.