Almatyda UBT sharalary úshin 182 kamera satyp alyndy

ALMATY. QazAqparat - Almatyda UBT ótkizýdiń sharalary qolǵa alyndy. Bul týraly qalalyq Bilim basqarmasynyń basshysy Gúlnar Hodjabergenova aıtty, dep habarlaıdy QazAqparat tilshisi.

Basqarma basshysy UBT kezinde aqparattyń qupııalyǵy men adamı faktordy boldyrmaý sharalaryn JOO quzyrynda ekenin aıtty.

«Aýdıtorııalardyń daıyndyǵy, tehnıkalyq qajettilikterdi JOO basshylyǵy qamtamasyz etedi. Qazir JOO-lar 182 kamera, 102 uıaly telefon baılanys sıgnaldaryn tunshyqtyrý quralyn, 31 metall izdeý quralyn, 7 ramalyq metallodetektor satyp aldy», - dedi basqarma basshysy Gúlnar Hodjabergenova «Nur Otan» partııasy bólimshesiniń baspasóz ortalyǵynda.

Onyń aıtýynsha, Almatyda UBT 8 oqý ornynyń bazasynda ótkiziledi.

«UBT kezinde túlekterdi test tapsyrý ornyna jetkizý úshin ІІD qyzmetkerleri bólinedi. Sondaı-aq, tańǵy 8-den bastap JOO bazasynda polıtsııa men jedel járdem kezekshilik júrgizetin bolady», - dedi basqarma basshysy.

Sonymen qatar, testileý kezinde tártipti QR BǴM bekitken memlekettik komıssııa qadaǵalaıtyn bolady. Ázirge UBT qashan ótetini belgisiz. 

Buǵan deıin habarlaǵanymyzdaı, bıyl Almatyda mektep túlekteriniń 80 paıyzy, ıaǵnı 7300 oqýshy UBT tapsyrady.