Almatyda turmysy tómen 40 otbasynyń úıine ýly gazdy anyqtaıtyn datchık ornatyldy
Arman Baıgelovtyń aıtýynsha, 2020 jyldyń basynan beri Almaty qalasynyń jeke turǵyn sektorynda 222 órt bolyp,17 adam zardap shekti. Bul 2019 jyldyń sáıkes kezeńimen salystyrǵanda 8,6% -ǵa tómen.
Sonymen qatar, ol Almatyda jylytý maýsymynyń aldynda halyqtyń áleýmettik osal toby úıleriniń 100 paıyzy órtke qarsy tekserýden ótkenin aıtty.
«Almaty qalasy boıynsha qatty otynmen jylytatyn 1899 turǵyn úı bar, olardyń 605-i halyqtyń áleýmettik jaǵynan osal toptarynyń baspanalary. Jylytý maýsymynda tótenshe jaǵdaılardy boldyrmaý maqsatynda Almaty qalasynyń tótenshe jaǵdaılar jónindegi departamenti aldyn alý sharalaryn júrgizýde. Órtke qarsy aldyn alý kómegine muqtaj áleýmettik jaǵynan osal topqa jatatyn 945 úı jeke topqa bólingen»,– deıdi Arman Baıgelov.
Mamandar kómir jaǵyp otyrǵan 945 úıdi aralap,tekserip shyqty.
«Búgingi tańda departament jergilikti polıtsııa qyzmeti jáne ákimdik ókilderimen birlesip, áleýmettik osal topqa jatatyn 945 úıdi tekserdi. Jergilikti atqarýshy organdardyń qoldaýymen ýly gazdy anyqtaıtyn 40 datchık satyp alynyp, ornatyldy. Datchıktar áleýmettik osal jáne jaǵdaıy tómen toptaǵy azamattadyń úılerine ornatylýda», – dedi spıker.
Jalpy qalada 3 jyl ishinde barlyǵy 1181 datchık ornatyldy. Turmys jaǵdaıynda órt qaýipsizdigi erejelerin saqtaý týraly 3722 jadynama taratyldy. Sondaı-aq buryn ornatylǵan datchıkterdiń jumysqa jaramdylyǵy tekserildi.