Almatyda turmystyq zorlyqtyń aldyn alý máselesi talqylandy
Otyrysta «Turmystyq zorlyqty saýyqtyrý» týraly QR zańynyń oryndalýy, turmystyq zorlyqty aýyzdyqtaý, zorlyq-zombylyqtan zardap shegýshilerge kómek kórsetý máseleleri talqylandy, dep habarlaıdy QazAqparat.
Otyrys Eýroodaqtyń «Áıelderge qarsy zorlyqty aýyzdyqtaýǵa qarsy quqyq qorǵaý organdarynyń jumysyn kúsheıtý» baǵdarlamasy aıasynda ótkizildi. Atalǵan baǵdarlama 2008 jyldyń maýsym aıynan bastap Nıderlandynyń Hıvos gýmanıstik ınstıtýty men Qazaqstandyq «Podrýgı» daǵdarys ortalyǵynyń birlesýimen júzege asyp keledi. Eýroodaq baǵdarlamaǵa 180 000 eýro bólgen.
«Ókinishke qaraı, áıelder men balalarǵa qarsy zorlyq áleýmettik mańyzdy problemalardyń qatarynda qalýda. Resmı málimetter turmystyq zorlyq kórsetkishteriniń joǵarylyǵyn kórsetip otyr. Bunymen qatar kóptegen zorlyq faktileri jasyryn qalady. Ony qosa alǵanda jábir shegýshiler sany da kóp deýge bolady» deıdi «Qurbylar» ortalyǵynyń prezıdenti Nadejda Gladyr.
Onyń aıtýynsha, sońǵy 10 jylda atalmysh ortalyqqa zorlyqtan jábir shekken 18 myń adam kómek surap kelgen. Onyń ishinde 314 áıel, 430 bala daǵdarys ortalyǵynyń beıimdeý ortalyǵynda turaqtap qalǵan. Ortalyq turmystyq zorlyq-zombylyqqa qarsy kúresý úshin quqyq qorǵaý organdarymen de áriptestikti jolǵa qoıǵan. Búginge deıin 73 ýchaskelik polıtsııa bólimshelerinde turmystyq zorlyqtyń aldyn alý, joıý baǵytynda trenıngter ótkizilgen.