Almatyda Túrki halyqtarynyń mádenı baılanystaryn zertteýge qatysty sımpozıým ótýde

ALMATY. QazAqparat - Almaty qalasynda Qazaqstan Táýelsizdiginiń 25 jyldyǵyna oraılastyrylǵan «Qazaq fılologııasy men túrkitanýdyń ortaq máseleleri» atty dástúrli halyqaralyq ǵylymı-tájirıbelik sımpozıým ótip jatyr. Bul týraly Túrki akademııasynyń baspasóz qyzmeti habarlady.

Sımpozıým belgili ádebıettanýshy, fılologııa ǵylymdarynyń doktory, professor Dandaı Ysqaqulynyń 70 jyldyq mereıtoıyna arnalyp otyr.

Osyǵan oraı Túrki akademııasy halyqaralyq uıymynyń (TWESCO) basshysy Darhan Qydyráli mereıtoı ıesine arnaıy quttyqtaý hat joldady. «Ózińizdi qalyń jurtshylyq barsha qarym-qabiletin qazaqtyń ádebı syny men pýblıtsıstıkasy máselelerin jan-jaqty zertteýge jumsap kele jatqan zerdeli de zııaly ǵalym retinde biledi. Uzaq jyldar boıǵy ustazdyq ulaǵatyńyz myńdaǵan shákirtterińiz úshin tereń taǵylymǵa, ónegeli óriske aınaldy. Qalamgerlik qarymyńyz ben sanatkerlik bilim-biligińiz arqyly Túrki áleminiń rýhanı baılanystaryn nyǵaıtýǵa eresen eńbek sińirip júrsiz», - delingen ol hatta.

Qazaqstandyq jáne sheteldik ǵalymdardyń qatysýymen ótip jatqan sımpozıýmnyń basty maqsaty: túrki halyqtarynyń ádebı-tarıhı hám mádenı baılanystaryn zertteý nátıjeleri boıynsha rýhanı yntymaqtastyq pen yqpaldastyqty damytý. Aıta ketý kerek, sımpozıým jumysy 15-shi mamyrda qorytyndylanady.