Almatyda tuńǵysh ret respýblıkalyq «Qobyz saryny» baıqaýy ótti
Saıys «Alataý» dástúrli óner teatrynda el Táýelsizdiginiń 30 jyldyǵy men Qala kúnine oraı uıymdastyryldy.
Dodada elimizdiń túkpir-túkpirinen kelgen 18 jasqa deıingi jasóspirimder baq synasty.
«Іs sharanyń basty maqsaty – ulttyq ónerimizdi nasıhattaý jolynda ǵasyrlar qoınaýynan syr shertetin dala únin, ıaǵnı qobyzdyń únin, búgingi tańda jastarǵa tálimdik taǵylymy mol dúnıeni tanytý», – dedi qalalyq mádenıet basqarmasy basshysynyń orynbasary Danııar Álıev.
Saıyskerlerdiń baǵasyn beretin ádil qazylar alqasynyń múshesi jas qobyzshylardan úlken úmit kútetinin jetkizdi.
«Osy baıqaýǵa qatysqanyma óte qýanyshtymyn. Sebebi Táýelsizdik alǵaly beri 30 jylda kóptegen jas talanttar shyǵyp jatyr. Osyndaı baıqaýlar kóp bolsyn deımin. Jalpy, ulttyq oryndaýshylardyń deńgeıi ósip kele jatyr», – dedi prıma-qobyzshy Ǵazıza Ǵabrahımova.
Baıqaý qorytyndysy boıynsha bas júldeni 13 jasar Janahmetova Baıan utyp aldy.