Almatyda túngi klýbta mefedron satqan kúdikti ustaldy
«Bir apta ishinde 2 908 qylmys jasaldy, onyń 1 853-i táýlik ishinde ashyldy. Polıtsııa qyzmetkerleri «izin sýytpaı» 5 kisi óltirýdi, 5 ólimge ákep soqqan densaýlyqqa qasaqana aýyr zııan keltirýdi, 33 tonaý jáne 382 bóten múlikti urlaý qylmystaryn ashty», - dedi ol ІІM baspasóz qyzmeti alańynda ótken brıfıngte.
Sonymen qatar ol Almaty qalasynyń túngi klýbtarynyń birinde mefedron satý kezinde Jambyl oblysynyń 26 jastaǵy turǵyny ustalǵanyn atap ótti. Sıntetıkalyq preparattyń dozalary salynǵan oramdardy kúdikti uıaly telefonynyń cheholyna jasyrǵan.
«ІІM Esirtki qylmysyna qarsy is-qımyl departamentiniń málimetinshe, klýbta tolyǵymen tintý júrgizilgen. Alaıda budan basqa tyıym salynǵan zattar tabylmaǵan», - dedi Shuǵyla Turlybek.
Munan bólek, onyń dereginshe, Kólik polıtsııasynyń qyzmetkerleri kómir tıelgen jartylaı vagonda qarasora salynǵan rıýkzagy bar Túrkistan oblysynyń turǵynyn ustady. Esirtkiniń jalpy salmaǵy 25 keliden asady. Kúdikti qarasorany Shý stantsııasynan Shymkentke aparýǵa tyrysqan.
«Ótken aptada polıtseıler 40 esirtki qylmysyn anyqtady. Onyń ishinde 14 esirtki satý faktisi bar. Zańsyz aınalymnan shamamen 245 keli esirtki tárkilendi. Onyń 10,5 keliden astamyn sıntetıka quraıdy. Olardy daıyndaý úshin qurylǵan eki esirtki zerthanasy taratyldy», - dedi ІІM ókili.