Almatyda túnde drıft jasaǵan júrgizýshi jazalandy
Áleýmettik jelide túngi ýaqytta qatty jyldamdyqpen qaýipti manevrler jasaǵan vıdeo paıda boldy.
Jergilikti polıtsııa qyzmetkerleri áleýmettik jelilerden jol qozǵalysy erejeleri men azamattardyń tynyshtyǵyn óreskel buzý deregi túsirilgen vıdeodaǵy quqyq buzýshyny anyqtap, ony jaýapqa tartty.
«Bul 1999 jyly týǵan Shamıl Jumfaev bolyp shyqty. Ol metro beketiniń aldyndaǵy aımaqta, Abaı dańǵyly men Brýsılovskıı kóshesiniń qıylysynda «BMW» markaly avtokólikpen zań buzýshylyq jasaǵan. Bul jol qozǵalysynyń basqa qatysýshylary úshin naqty qaýip tóndirgen áreket boldy. Tekserý kezinde de Jumfaevtyń jol júrý erejelerin, onyń ishinde jyldamdyqty jıi buzatyndyǵy anyqtaldy. Onyń jalpy somasy 197 727 teńgege toǵyz jol erejesin buzǵany úshin qaryzy bar»,- deıdi Almaty qalalyq PD jergilikti polıtsııa qyzmeti basqarmasynyń bastyǵy Manap Sattarov.
Quqyqbuzýshyǵa qatysty QR ÁQbK-niń 630-baby 1-bóligi jáne QR ÁQbK-niń 437-baby boıynsha ákimshilik hattamalar toltyrylyp, kóligi mamandandyrylǵan aıyppul turaǵyna qoıyldy.