Almatyda tún jarymynda kóshe kezgen 6 myńnan astam balanyń ata-anasy aıyppul arqalady
21:22, 15 Jeltoqsan 2022
ALMATY. QazAqparat – Kámeletke tolmaǵandar arasyndaǵy quqyq buzýshylyqtyń aldyn alý, balalar men jasóspirimderdiń zańdy ókilderiniń erip júrýinsiz túngi ýaqytta oıyn-saýyq mekemelerinde jáne úıden tys jerlerde bolýyna jol bermeý maqsatynda ıývenaldyq polıtsııa qyzmetkerleri jergilikti reıd ótkizdi, dep habarlaıdy QazAqparat tilshisi.
«Jyl basynan beri QR ÁQBtK-niń 442-baby 1,2-bóliginde kózdelgen quqyq buzýshylyq negizinde 6354 ata-ana ákimshilik jaýapkershilikke tartyldy»,- dedi Almaty qalalyq PD Jergilikti polıtsııa qyzmeti basqarmasynyń bastyǵy Erjan Uzabaev.
Polıtsııa ókiliniń aıtýynsha, sonymen qatar kámeletke tolmaǵandardyń túngi ýaqytta zańdy ókilderiniń erip júrýinsiz oıyn-saýyq mekemelerinde bolýyna jol bergen 185 kásipkerlik sýbektisine de ákimshilik shara qoldanyldy.
«Olar QR ÁQBtK-niń 132-baby boıynsha jazalandy», – Erjan Uzabaev.