Almatyda tumaý men JRVI-ǵa shaldyǵý azaıdy

ALMATY. QazAqparat - Ótken aptada Almatyda jiti respıratorlyq vırýsty ınfektsııanyń 3099 jaǵdaıy tirkeldi, bul naýryz aıynyń sońymen salystyrǵanda 3,76 paıyzǵa tómen, dep habarlaıdy QazAqparat tilshisi.

Qalalyq sanıtarlyq-epıdemıologııalyq baqylaý departamentiniń aqparatyna qaraǵanda, jiti respıratorlyq vırýsty ınfektsııany juqtyrǵandardyń 66,9 paıyzy balalar. Aýrýhanaǵa barlyǵy 286 naýqas jatqyzyldy, onyń ishinde 11-i júkti áıel, 89-y bir jasqa deıingi náreste.

«Aǵymdaǵy epıdemıologııalyq maýsym bastalǵaly tumaýdyń 51 jaǵdaıy tirkeldi. Sonymen qatar, qalada respıratorlyq sıntsıtıaldy vırýs, adenovırýs, rınovırýs jáne koronavırýs sııaqty tumaýǵa jatpaıtyn basqa JRVI vırýstary aınalymda», - dep habarlady vedomstvadan.

2021 jyly jergilikti ákimshiliktiń qarajatyna erekshe toptaǵy adamdardy tumaýǵa qarsy egýge 170 926 doza «Grıppol plıýs» vaktsınasy satyp alyndy.

Eske salaıyq, qalada ekpe salý maýsymy 15 qyrkúıekte bastaldy. Tumaýǵa qarsy vaktsınany 184 myńnan astam adam aldy. Onyń ishinde jekemenshik medıtsınalyq ortalyqtarda jumys berýshiler esebinen 10 260 adam, óz qarajaty esebinen 2 973 adam egildi.