Almatyda tozyǵy jetken úıler bıýdjet esebinen súriledi
Raıymbek dańǵyly, 347 mekenjaıynda ornalasqan tozyǵy jetken úıdiń turǵyndary kezdesý kezinde qala ákiminen olardy qonystandyrýǵa qarjy bólýdi surady.
Óz kezeginde, Erbolat Dosaev bıyl qala bıýdjetinde qonystandyrýǵa qarjy qarastyrylmaǵanyn, múmkin bolsa, bólýge ýáde berdi.
«Jergilikti bıýdjet esebinen apatty jaǵdaıdaǵy úılerdi buzýdyń jańa baǵdarlamasy ázirlenip jatyr. Qazir biz ásirese, adamdar turý múmkin emes úılerdi qarastyryp jatyrmyz. Barynsha qarajat bólinedi. Sonymen qatar, tozyǵy jetken úılerdiń turǵyndaryn qonystandyrý máselesin óz moınyna alý úshin merdiger kompanııamen kelissózder júrgizip jatyrmyn. ıAǵnı, kompanııalarǵa qurylys júrgizýge ruqsat beriledi, olar onyń ornyna bizge adamdardy qonystandyrýǵa qol ushyn beredi», – deıdi Erbolat Dosaev.
Megapolıs basshysy jańa baǵdarlama kúzge deıin daıyn bolatynyn atap ótti.
«Osy baǵdarlama boıynsha biz ár aýdanda qandaı úıler buzylatynyn jáne qaı merzimde adamdardy basqa jaqqa qonystandyrýǵa bolatynyn anyqtaımyz», - dep jaýap berdi ol.
Buǵan deıin 2022 jyly Almatyda 278 páterlik 32 apatty úı buzylatyny týraly jazǵan bolatynbyz.
Foto: sq.com.ua