Almatyda tótenshe jaǵdaı rejımin buzǵandardyń jazasy jeńildetildi

ALMATY. QazAqparat - Almaty soty tótenshe jaǵdaı rejımin buzǵandarǵa qatysty qoldanylatyn jazany jeńildetti, dep habarlaıdy QazAqparat tilshisi.

Qalalyq sot baspasóz qyzmetiniń málimetinshe, Almaty sotynda búgingi kúnge deıin tótenshe jaǵdaı rejıminiń talaptaryn buzýǵa baılanysty ákimshilik quqyq buzýshylyq týraly 71 materıal (ÁQBtK-niń 476-babynyń 1-tarmaǵy, 1-bóligi) qaraldy.

Almaty aýmaǵynda saǵat 23.00-den tańǵy 7.00-ge deıin komendanttyq saǵat engizilip, tótenshe jaǵdaı jarııalandy. Komendanttyq saǵat kezinde sebepsiz kóshege shyqqan qala turǵyndary Almaty polıtsııasynyń qyzmetkerlerine ustaldy. Birinshi satydaǵy sot barlyq tártip buzýshyǵa aıyppul saldy.

«Apellıatsııalyq ınstantsııa materıaldardy qarap, atalǵan tulǵalardyń barlyǵy óz kinásin moıyndaǵanyn jáne buryn ákimshilik jaýapqa tartylmaǵanyn, istegen isterine ókinish bildirgenin anyqtady. Bul olardyń kinásin jeńildetti»,- dep habarlady sottan.

Osy mán-jaılardy eskere otyryp, Almaty qalalyq soty atalǵan zań buzýshylardyń barlyǵyna jazany jeńildetip, jazany tek eskertý túrinde qaldyrdy.