Almatyda topyraqtyń qurǵaýy jáne tozýymen kúres máselesi talqylanýda

ALMATY. Jeltoqsannyń 4-i. QazAqparat /Názıra Eleýhan/ - Almatyda topyraqtyń qurǵap bara jatýy máselelerine azamattyq qoǵamnyń nazaryn aýdarý  tásilderin jetildirýge  baılanysty ulttyq semınar ótýde,

          dep habarlaıdy QazAqparat.

         Semınardyń negizgi taqyryby -  BUU Konventsııasy negizinde  qurǵaqshylyqpen kúres boıynsha  qyzmet protsesine azamattyq qoǵamdy  qatystyrý, tásilderdi damytý. Sonymen qatar, shara barysynda «Draınet» jobasy aıasynda qurǵaqshylyqqa baılanysty máseleler kóterildi. "Qazaqstanda sońǵy bir jarym jylda bolǵan ózgeristerdi jiti tekserip, baǵa berý kerek. Sonymen qatar, ulttyq josparǵa baılanysty azamattyq qoǵamnyń kózqarasyn belgileý qajet, sondaı-aq «Draınet» jobasynyń aldaǵy jumys josparyn talqylaýymyz kerek. Óıtkeni, topyraqtyń tozýy ekologııa jáne áleýmettik-ekonomıkaǵa úlken áser etedi", dedi semınarǵa qatysýshylar. Qazirgi tańda  qurǵaqshylyq protsesi elimizdiń barlyq ákimshilik aýdandarynda baıqalýda.

         Qazaqstan BUU-nyń qurǵaqshylyqpen kúres Konventsııasyna 1994 jyly qol qoıǵan bolatyn. Al, 1997 jyly ratıfıkatsııalanǵan.Bul konventsııanyń negizgi maqsaty qurǵaqshylyqpen kúresý bolyp tabylady. Semınarǵa osy másele boıynsha jospardy atqarýǵa jaýapty memlekettik organ ókilderi,  ǵylymı jáne qoǵamdyq uıymdar, jer paıdalanýshylar jáne aýyldyń bastamashyl toptary qaýymdastyǵynyń ókilderi qatysýda.

         Shara «Stichting Both ENDS» (Gollandııa) uıymy men Eýropalyq Odaqtyń qoldaýymen Ortalyq Azııa aımaqtyq ekologııalyq ortalyqtyń uıymdastyrýymen ótýde. "Draınet" Ortalyq Azııadaǵy qurǵaqshylypen kúres, tásilderin jetildirý, jergilikti turǵyndardyń osy baǵyttaǵy áleýetin arttyrýǵa baǵyttalǵan  joba.