Almatyda Tóle bı kóshesiniń bir bóligi jabylady
00:45, 10 Qyrkúıek 2020
ALMATY. QazAqparat - Almatydaǵy Tóle bı kóshesiniń keı ýchaskelerinde kólik júrýine tyıym salynady, dep habarlaıdy QazAqparat tilshisi.
«10 qyrkúıek tańǵy saǵat 7:00-den 13 qyrkúıek keshki saǵat 19:00-ge deıin Tóle bı kóshesiniń boıy, atap aıtqanda Gagarın men Rozybakıev kósheleriniń aralyǵy jabylady» dep habarlady Almaty qalasynyń mobıldilik basqarmasy.
Ýaqytsha shekteý osy kóshedegi magıstral qubyryn josparly aýystyrýǵa baılanysty ınjenerlik jelilerdi qaıta jańartý – tozǵan qubyrlardy aýystyrý úshin qajet.
Basqarma ókilderi turǵyndardy qolaısyzdyqqa túsinistikpen qarap, atalǵan ýchaskelerdi aınalyp ótý jolyn aldyn ala qarastyrýdy suraıdy.