Almatyda TMD elderiniń syrtqy shekaralaryndaǵy ahýaly talqylanady
Bul týraly TMD Atqarýshy komıtetiniń baspasóz qyzmetinen málim etti.
Keńes músheleri TMD-ǵa múshe elderdiń syrtqy shekaralaryndaǵy ahýaldy jáne ony damytý úderisin, 2017 jyly Kaspıı teńizi aıdynynda birlesken arnaıy shekara operatsııalaryn jáne jedel-aldyn alý sharalaryn ótkizýge jáne oǵan daıyndyq barysyn talqylaıtyn bolady.
Syrtqy shekaralarda shuǵyl jaǵdaılar týyndaǵan jaǵdaıda jáne ony retteýde kómek kórsetý úshin Dostastyq elderiniń shekara jáne ózge de vedomstvolarymen ózara is-áreketti uıymdastyrý máselelerin qarastyrý, sondaı-aq terrorızmmen jáne ekstremızmniń ózge de zorlyq-zombylyq kórinisterimen kúres boıynsha yntymaqtastyqty talqylaý josparlanýda.
Odan bólek, shekara vedomstvolary arasynda memleketaralyq aqparat almasý múmkindigi máselesi kóterilip, Shekara áskerleri qolbasshylary keńesiniń shekaralardy qorǵaý salasyndaǵy BUU-nyń mamandandyrylǵan uıymdarymen 2015-2016 jyldarǵy ózara árekettestigi jáne ony jetildirý joldary talqylanady.