Almatyda TMD elderi stýdentteriniń halyqaralyq pikirsaıys týrnıri ótip jatyr
«Qazaqstannyń beıbitshil saıasaty jáne halyqaralyq qatynastardy damytý» degen taqyryppen ótip jatqan bul sharany QR Bilim jáne ǵylym mınıstrliginiń Jastar isi komıteti men Qazaq gýmanıtarlyq zań ýnıversıtetiniń «Orda» pikirsaıys klýby birlesip uıymdastyryp otyr.
Eki kúnge sozylatyn týrnırge bıyl Máskeý men Novosibir, Kıev, Tallın, Bishkek, sondaı-aq Almaty, Astana, Atyraý, Kókshetaý, Qaraǵandy, Qostanaı, Rýdnyı, Pavlodar, Semeı, Shymkent qalalarynyń stýdentteri qatysýda. Qazaq jáne orys tilderinde ótip jatqan óner saıysynyń basty maqsaty - joǵary oqý oryndary stýdent jastarynyń azamattyq jáne shyǵarmashylyq belsendiligin qoǵamdy demokratııalyq damytýdyń kókeıkesti máselelerin taldaý men qoǵamdyq talqylaý arqyly arttyrý. Onda memlekettik strategııa men baǵdarlarlamalar qaralyp, jastardyń memlekettik saıasatty zertteýine qyzyǵýshylyǵy týdyrylady.