Almatyda terrorızmge qarsy operatsııaǵa baılanysty birqatar kóshe jabylady

ALMATY. QazAqparat - Almatyda terrorısterge qarsy operatsııa jalǵasyp jatyr. Osyǵan baılanysty birqatar kóshe ýaqytsha jabylady, dep habarlaıdy QazAqparat tilshisi.

Terrorǵa qarsy operatsııanyń júrgizilýine baılanysty, búgin 19 qańtar kúni kelesi aımaqtarda jol qozǵalysy ýaqytsha jabylady:

- Abylaı han kóshesiniń boıymen Maqataev kóshesinen Bógenbaı batyr kóshesine deıin, soltústik jáne ońtústik baǵytta;

- Tóle bı dańǵyly boıymen Jeltoqsan kóshesinen Nazarbaev dańǵylyna deıin, shyǵys jáne batys baǵytta;

«Azamattardan ýaqytsha sharalarǵa túsinistikpen qaraýdy, qozǵalys baǵytyn aldyn ala rettep, jol qozǵalysy erejelerin qatań saqtaýdy suraımyz»,- dep habarlady Almaty qalalyq polıtsııa departamentinen.

Aıta keteıik, Almatyda tótenshe jaǵdaı men komendanttyq saǵat aıaqtaldy.

Alaıda Almaty aýmaǵynda antıterrorlyq shara rejımi jáne terrorızm qaýpiniń «qyzyl» deńgeıi saqtalady.