Almatyda terrorıstik qaýiptiliktiń «qyzyl» deńgeıi áli saqtalýda – shtab

ALMATY. QazAqparat - Almaty qalasy aýmaǵynda antıterrorlyq operatsııalar rejımi jáne terrorıstik qaýiptiliktiń «qyzyl» deńgeıi áli saqtalýda. Bul týraly Terrorızmge qarsy kúres jónindegi Almaty qalalyq jedel shtabynan málim etti, dep habarlaıdy QazAqparat tilshisi.

Terrorızmge qarsy is-sharalar aıasynda Almaty qalasynyń Polıtsııa departamenti, Ulttyq ulan men Qorǵanys mınıstrliginiń áskerı qyzmetshileriniń kúshteri qalany táýlik boıy patrýldeýdi qamtamasyz etýde. Blokpostar jumysyn jalǵastyrýda.

«Terrorlyq qaýip-qaterdiń «qyzyl» deńgeıinde quqyq qorǵaý organdaryna azamattardyń zattaryn, kólik quraldaryn jeke tintýge, sondaı-aq olardyń qozǵalysyn ýaqytsha shekteýge nemese tyıym salýǵa ruqsat etilgenin eske salamyz.

Sondaı-aq sherýler men mıtıngilerge tyıym salynady.

Quqyq qorǵaý organdarynyń jumysyna túsinistikpen qarap, olardyń zańdy talaptaryn oryndaýdy suraımyz.

Antıterrorlyq operatsııalar rejıminiń aıaqtalý merzimi týraly qosymsha habarlanady», - dedi shtabta.