Almatyda tergeý ızolıatorynan qashqan qylmysker eki aıǵa qamaldy

ALMATY. QazAqparat – Almatyda LA-155/18 mekemesinen qashyp, ustalǵan qylmysker eki aıǵa qamaýǵa alyndy, dep habarlaıdy QazAqparat tilshisi.

«Almaty qalasynyń mamandandyrylǵan aýdanaralyq tergeý sotynyń habarlaýynsha, 2022 jylǵy 16 qazanda sot qaýlysymen tergeý organdarynyń S-ǵa qatysty qamaýda ustaý túrindegi bultartpaý sharasyn 2 aı merzimge sanktsııalaý týraly ótinishi qanaǵattandyryldy», - dep habarlady Almaty qalalyq sotynyń baspasóz qyzmeti.

Eske salsaq, 14 qazanda tergeý ızolıatorynan sottalǵan adam qashyp ketken bolatyn.

Keıin onyń qaladaǵy «Qarasý» shaǵynaýdanynda ustalǵanyn habarlaǵan bolatynbyz.