Almatyda tehnıkalyq qyzmet kórsetý stantsııasy órtendi
Almaty qalasynyń TJD baspasóz qyzmeti habarlaǵandaı, 21 shilde kúni saǵat 11:33-te «101» pýltine Naýryzbaı aýdany Raıymbek dańǵyly 548/2 mekenjaıynda jumys istemeıtin tehnıkalyq qyzmet kórsetý órt shyqqany týraly habarlama kelip túsken.
Birinshi bólimsheler kelgende jalpy aýdany 220 sharshy metr bolatyn bir qabatty bos ǵımarattyń shatyry janyp jatqan. Kúshter men quraldar shaqyrý dárejesi boıynsha tartyldy. Órt ornynda shtab qurylyp, batys jáne ońtústik-shyǵys jaǵynan eki órt sóndirý ýchaskesi uıymdastyryldy.
«Sýmen jabdyqtaý kózderiniń qashyqtyǵyna baılanysty órt sóndirý avtopoıyzy iske qosyldy, magıstraldyq jeliler tartylyp, osylaısha úzdiksiz sýmen jabdyqtaý qamtamasyz etildi. Órtti sóndirý kóp qabatty shatyrdyń qurylymdyq erekshelikterimen kúrdelene tústi: beton plıtasynyń ústine taýshaıyrly mastıkasy tóseldi, onyń ústine aǵash jáshikke metall shıfer ornatyldy. Órt sóndirýshiler shatyrdy apattyq-qutqarý quraldarymen ashty, eki órt avtosaty iske qosyldy. Órt bir saǵat ishinde 12:39-da aýyzdyqtaldy, 12:47-de sóndirildi, qurylymdardy bólshektelip jatyr. Qabyldanǵan sharalar arqyly kórshiles turǵan eki boksty qorǵaýǵa múmkindik týdy», - dep atap ótti TJD.
Órtti sóndirýge 12 tehnıka men jeke quramnyń 40-tan astam adamy tartyldy. Zardap shekkender joq.