Almatyda taýar belgisin zańsyz paıdalaný faktisi anyqtaldy

ALMATY. QazAqparat - Almaty qalasynyń aýmaǵynda zańsyz aınalymnan 1,2 mln teńgeniń 405 kontrafaktilik taýary anyqtaldy. Bul týraly qalalyq Ádilet departamenti málim etti, dep habarlaıdy QazAqparat tilshisi.

«Ádilet departamentiniń zııatkerlik menshik quqyqtary bólimi qyzmetkerleri «SkF» kompanııasynyń ókilderiniń senimhaty negizindegi aryzy boıynsha Almaty qalasynyń aýmaǵynda taýar belgisin zańsyz paıdalanýmen kontrafaktilik moıyntirekterdiń (podshıpnıkı) zańsyz aınalymynyń jolyn kesti»,-dedi Erkebulan Jetpisbaev Almaty qalalyq ádilet departamentiniń zııatkerlik menshik quqyqtary bóliminiń basshysy.

Aıtýynsha, zańsyz aınalymnan 1 221 000 teńgeniń 405 dana kontrafaktilik taýary alyndy. Quqyqbuzýshyqqa 30 AEK mólsherinde aıyppul salyndy jáne tárkilengen zattar sot sheshimine sáıkes, Almaty aýyr mashına jasaý zaýytynyń balqytý tsehynda joıyldy.

«2023 jyldyń 6 aıynda departament mamandary jospardan tys 16 tekserý júrgizdi. Nátıjesinde 16 quqyqbuzýshylyq anyqtalyp, ákimshilik is qozǵaldy. Qazirgi tańda onyń 14-i qaraldy, ekeýi Almaty qalasynyń mamandandyrylǵan aýdanaralyq ákimshilik sotynda qaralýda»,- dedi ol.