Almatyda taý bókterinde 52 zańsyz qurylys nysany anyqtaldy

ALMATY. QazAqparat- Almatynyń taý bókterinde 52 zańsyz salynǵan nysan anyqtaldy. Olarǵa bastapqy qujattardy buzý jáne joıý týraly sot isi qozǵaldy. Bul týraly QR Sybaılas jemqorlyqqa qarsy is-qımyl agenttigi keńesiniń otyrysynda Almaty ákiminiń orynbasary Álisher Ábdiqadyrov málimdedi, dep habarlaıdy QazAqparat tilshisi.

«8 obekt boıynsha sot buzý týraly sheshim qabyldady, 23 nysan boıynsha ruqsat berý qujattaryn buzý jáne joıý týraly sot talqylaýlary júrgizilýde, 21 nysanǵa qatysty sot talap-aryzdaryn berý boıynsha daıyndyq jumystary júrgizilýde», - dedi qala ákiminiń orynbasary.

Aıtýynsha, «núkteli qurylysqa» baılanysty qoldanystaǵy normalarda jobalaý aldyndaǵy qujattamany berýden bas tartýǵa negiz joq. Sondyqtan Almaty ákimdigi el zańnamasyna birqatar túzetý engizýge bastamashylyq tanytty.

Atap aıtqanda, qala ortalyǵynda «núkteli qurylysqa» tyıym salýdy, qala qurylysy qujattamasyn túzetýge moratorıı engizýdi, jobalyq qujattamany tıisinshe salystyryp teksermegeni úshin jaýapkershilik belgileý, eger adamdardyń ómirine qaýip tónse, qurylysty toqtata turý múmkindigin engizý usynylady.

Almaty ákimi orynbasary Álisher Ábdiqadyrov atap ótkendeı, sáýlet, qurylys jáne jer qatynastary salasyndaǵy zańnamany jetildirý jáne quqyqtyq qaıshylyqtardy boldyrmaý jumystary jalǵasýda.