Almatyda tártipsizdikter kezinde keltirilgen zalal somasy 128 mlrd teńgeden asty
Almaty ákimdiginiń málimetinshe, 2022 jylǵy 14 qańtardaǵy jaǵdaı boıynsha jalpy keltirilgen zalal somasy 128 mlrd teńgeden asady. Onyń ishinde bıznestiń shyǵyndary 86 mlrd teńge, ákimshilik ǵımarattardyń shyǵyny 22,6 mlrd teńgege jetti.
Sonymen qatar, 223 birlik tehnıka mólsherindegi jyljymaly múlik shyǵyndary 1,9 mlrd teńge somasynda baǵalanady (jeke avtomobılder boıynsha baǵalaý júrgiziledi), «Almaty Bike» veloprokattar stantsııasynyń shyǵyndary 376,5 mln teńge. Materıaldyq-tehnıkalyq bazanyń shyǵyndary 16,7 mlrd teńge. Zardap shekken qyzmetkerlerge tólenetin ótemaqy tólemi 490 mln teńge boldy.
Úkimet komıssııasy shaǵyn jáne orta bızneske keltirilgen zalaldy óteý mehanızmin ázirleýde, ol búginde ortalyq memlekettik organdarmen kelisý kezeńinde tur jáne jaqyn arada jarııalanatyn bolady.
Bızneske keltirilgen zalaldy óteý jónindegi aldyn ala jasalǵan mehanızmdermen jáne tásildermen myna silteme boıynsha tanysýǵa bolady.