Almatyda tártipsizdikter kezinde 32 jedel járdem kóligi búlindi

ALMATY. QazAqparat - Almatyda jappaı tártipsizdikter kezinde 32 jedel járdem kóligi búlingen, 4 kólik jaramsyz bolyp qalǵan, dep habarlaıdy QazAqparat tilshisi.

Qala tirshiligin qamtamasyz etý shtabynyń málimetinshe, Jedel járdem qyzmeti tártipsizdikterge baılanysty shaqyrtýlardan bólek, barlyq shuǵyl ótinishterge ýaqytyly qyzmet kórsetti.

«JMJS qyzmetkerlerine 12 shabýyl jasaldy, JMJS 5 qyzmetkeri (2 júrgizýshi jáne 3 feldsher) jaraqat aldy. Jappaı tártipsizdik kezinde 32 jedel járdem avtokóligi (faralar synǵan, shanaǵy, áınegi zaqymdanǵan jáne t.b.), jaramsyz kúıdegi 4 avtokólik, máıitti tasymaldaý jáne mıtıngke jetkizý maqsatynda 3 kólik tárkilenip, keıin kólikter qaıta qaıtaryldy», - dep habarlady qalalyq shtabtan.

Eske salaıyq, Almatyda jaǵdaıdyń ýshyǵýyna baılanysty 19 qańtarǵa deıin tótenshe jaǵdaı rejımi engizilgen bolatyn.

Qalada tártip ornatý úshin lańkestikke qarsy arnaıy operatsııa júrip jatyr.