Almatyda taksıst shetel azamatynan 400 eýro alǵan

ALMATY. QazAqparat- Almatyda shetel azamatyn áýejaıdan Markov kóshesine deıin 400 eýroǵa jetkizgen taksı júrgizýshisi jazalandy, dep habarlaıdy QazAqparat tilshisi.

3 mamyr kúni Almaty áýejaıyndaǵy jelilik polıtsııa bóliminiń kezekshi bólimine 30 jastaǵy Reseı Federatsııasynyń azamaty aryzdanǵan.

Ol áýejaıdan Markov kóshesine deıin 400 eýroǵa (shamamen 200 myń teńge) jetkizgen taksı júrgizýshisine shara qoldanýdy surady.

«Jedel-izdestirý sharasy barysynda aryzdanýshyny dittegen jerine jetkizgen «Mersedes-Bents» kóliginiń ıesi 27 jastaǵy Almaty oblysynyń turǵyny ustaldy. Jaýap alý kezinde er adam óz kinásin moıyndap, azamat Kýlakovqa aqshany tolyǵymen qaıtaryp berdi», - dep habarlady kóliktegi polıtsııa departamentinen.

Atalǵan fakti boıynsha quqyq buzýshyǵa qatysty QR ÁQBtK-niń 449-babynyń 2-bóligi boıynsha ákimshilik hattama toltyryldy.

15 mamyr kúni Almaty mamandandyrylǵan ákimshilik sotynyń qaýlysymen oǵan 21 150 teńge aıyppul salyndy.

Óz kezeginde azamat Kýlakov kólik polıtsııasy qyzmetkerlerine alǵysyn aıtty.