Almatyda taǵy qaı turǵyn úı keshenderinen páter satyp almaý kerek

ALMATY. QazAqparat- Almaty ákimdigi jyljymaıtyn múlik satyp almas buryn qurylys kompanııasynyń qujattaryn muqııat tekserýdi usynady, dep habarlaıdy QazAqparat tilshisi.

Jelilerde qurylysqa qajetti ruqsaty joq turǵyn úı keshenderindegi páterlerdi satý týraly habarlandyrýlar tarap jatyr.

Almaty qalasynyń ákimdigi tolyq qujattamanyń bolmaýyna baılanysty jyljymaıtyn múlikti satyp alýǵa bolmaıtyn taǵy eki turǵyn úı keshenin atady:

- «Auezov Apartaments» TK - Almaly aýdany, Qarasaı batyr kóshesi, 183/19. Tapsyrys berýshi «Garant LTD Service» JShS.

2021 jylǵy 30 Sáýirde tapsyrys berýshi tarapynan «Garant LTD Service» JShS joǵaryda kórsetilgen mekenjaı boıynsha qoldanystaǵy ǵımarattardy qaıta jańartýǵa jáne qoldanystaǵy qurylystardy buza otyryp, qyzmet kórsetý obektileri bar ákimshilik ǵımarattyń qosymsha qurylysyn salýǵa habarlama berdi.

Alaıda, jyljymaıtyn múlikti satý saıttarynda kórsetilgen mekenjaı boıynsha páterlerdiń jarnamasy ornalastyrylǵan, bul qolda bar qujattarǵa sáıkes kelmeıdi.

- «Tole bi Residence» TK - Almaly aýdany, Anosov kóshesi, 103 «B». Tapsyrys berýshi «Adal Sity Stroy» JShS.

Habarlamadaǵy aqparatqa sáıkes, 1-blok qurylysynyń 1-kezegi 2023 jyldyń 4-toqsanynda paıdalanýǵa beriledi.

Alaıda, búgingi kúni joǵaryda atalǵan obekt boıynsha qurylys-montaj jumystaryn júrgizýdiń bastalǵany týraly habarlama túsken joq jáne qurylys-montaj jumystary júrgizilmegen.

«Almatylyqtarǵa jyljymaıtyn múlikti satyp almas buryn salynyp jatqan turǵyn úı kesheni qujattarynyń bar-joǵyn tekserý qajet ekenin eske salamyz, muny Almaty qalasy qala qurylysyn baqylaý basqarmasynyń [phone] jedel jelisiniń nómiri boıynsha jasaýǵa bolady»,- delingen ákimdik taratqan aqparatta.

Buǵan deıin Almaty ákimdigi zańsyz salynyp jatqan 9 turǵyn úı kesheniniń tizimin jarııalaǵan bolatyn.