Almatyda taǵy eki aýdan lańkesterden tazartylyp, 1925 adam ustaldy
10:09, 13 Qańtar 2022
ALMATY. QazAqparat- Almatynyń Bostandyq jáne Túrksib aýdandarynyń aýmaǵy qylmyskerlerden tazartyldy. Bul týraly Almaty qalasy komendatýrasynyń aqparattyq ortalyǵy málim etti, dep habarlaıdy QazAqparat tilshisi.
Komendatýra málimetinshe, arnaıy operatsııa barysynda Bostandyq jáne Túrksib aýdandary lańkestik, tonaý jáne basqa da qylmystardyń 1 925 qatysýshysy ustaldy. 38 birlik atys qarýy men 1 486 oq-dári tárkilendi.
«102» pýltine 961 habarlama kelip tústi, komendatýranyń Call ortalyǵyna azamattardan jedel áreket etýdi talap etetin 215 dabyl qabyldandy. Barlyq habarlamalar der kezinde óńdeldi»,- deıdi Almaty qalasy komendatýrasynyń resmı ókili Saltanat Ázirbek.
Sonymen qatar, ol turǵyndardy komendanttyq saǵatty buzbaýǵa shaqyrdy.