Almatyda taǵy bir mamandandyrylǵan HQO ashyldy

ALMATY. QazAqparat - Búgin Almatyda «Azamattarǵa arnalǵan úkimet» memlekettik korporatsııasy qala ákimdiginiń qoldaýymen taǵy bir mamandandyrylǵan HQO ashty. Túrksib aýdanynda ashylǵan jańa MHQO - megapolıstegi besinshi ortalyq, dep habarlaıdy QazAqparat korporatsııanyń baspasóz qyzmetine silteme jasap.

«Azamattarǵa arnalǵan úkimet» memlekettik korporatsııasynyń Almaty qalasy boıynsha fılıalynyń dırektory Ǵalym Qarqynbaevtyń aıtýynsha, jańa mamandandyrylǵan HQO-nyń orny kezdeısoq tańdalǵan joq. «Jańa MHQO Túrksib aýdanyndaǵy «Jetisý-Semıreche» saýda ortalyǵynda ornalasqan. MHQO-nyń ornalasqan jeri qala turǵyndary men qonaqtary úshin óte qolaıly. Munda Túrksib, Almaly, Medeý aýdandarynyń turǵyndary, sondaı-aq Almaty oblysynyń Talǵar, Eńbekshiqazaq, Іle aýdandarynyń turǵyndary kólikterin tirkep, júrgizýshi kýáligin ala alady», - deıdi Qarqynbaev.

Jańa MHQO-nyń ashylýy basqa MHQO-lardyń júktemesin azaıtyp, ondaǵy kezek sanyn azaıtady. Saýda úıiniń ekinshi qabatynda ornalasqan MHQO 648 sharshy metr aýmaqty alyp jatyr. Azamattarǵa qolaıly bolýy úshin ınfraqurylym jetildirilip, avtokólikterge arnalǵan kólik turaǵy uıymdastyryldy. Bajdar men tólemderdi júzege asyrý ushin mýltıkassa jáne Tsesnabanktiń kassalary jumys isteıdi. 20 jumys ornymen jasaqtalǵan MHQO-da jınaqtaý jáne daıyn qujattardy berý sektorlary bar.

Aıta keteıik, bir aı buryn Almatynyń Jetisý jáne Naýryzbaı aýdandarynda taǵy eki MHQO iske qosylǵan. Atalmysh ortalyqtar ashylǵaly beri kólik ıelerine 4 myńǵa jýyq qyzmet kórsetildi. Osylaısha, búgingi kúni Almatyda 5 mamandandyrylǵan HQO jumys isteıdi. Deı turǵanmen, kólik júrgizýshisi kýáligin alý barysynda tapsyrylatyn emtıhan burynǵydaı Alataý aýdanynda ornalasqan №1 mamandandyrylǵan HQO-da júrgiziledi.