Almatyda taǵy bir qarjy pıramıdasynyń qyzmeti toqtatyldy

ALMATY. QazAqparat- Almatyda ınvestıtsııa salasyndaǵy marketıng kompanııasy retinde jumys istegen «EDEN LIFE» qarjy pıramıdasynyń qyzmeti toqtatyldy. Bul týraly QR Qarjy monıtorıngi agenttigi málim etti dep habarlaıdy QazAqparat tilshisi.

Qarjy monıtorıngi agenttiginiń Almaty boıynsha aýmaqtyq departamenti ınvestıtsııa salasyndaǵy marketıngtik kompanııa retinde jasyrylǵan EDEN LIFE qarjy pıramıdasynyń qyzmetine toqtaý saldy.

«Uıymdastyrýshylar basqa salymshylardyń qarajatyn tartý arqyly paıda bolǵan tıimdi syıaqyny alýǵa kepildik bere otyryp, azamattarǵa ınvestıtsııalyq jobalarǵa aqsha salýdy usyndy», – dep jazylǵan Qarjylyq monıtorıng agenttigi taratqan habarlamada.

Vedomstvo málimetinshe, sotqa deıingi tergeý qarjylyq pıramıdany, aldyn ala sóz baılasý boıynsha adamdar tobyn qurý jáne oǵan basshylyq etý faktisi boıynsha júrgizilýde.

Osyǵan baılanysty agenttik qazaqstandyqtardy saq bolýǵa jáne aqshany kúmándi qarjy uıymdaryna salmaýǵa shaqyrady.