Almatyda sýretshilerdiń respýblıkalyq sımpozıýmy bastaldy

ALMATY. QazAqparat – Almatyda «Jańa Qazaqstan. Jańarý» atty sýretshilerdiń respýblıkalyq sımpozıýmy bastaldy, dep habarlady QazAqparat tilshisi.

Kórmede Qazaqstannyń 14 óńirinen kelgen 20 sýretshiniń jumysy kelýshiler nazaryna usynyldy.

Onyń árqaısysy joba barysynda, ómir boıy sýretshiniń mıssııasy men qyzmetiniń ereksheligi týraly oı tolǵaýyn bólisti.

Almaty qalasy murajaılar birlestiginiń málimetinshe, ár kezeńniń sýretshileri keskindeme nemese grafıkalyq massalarmen jumys isteıdi.

Mysaly, Renessans sýretshileri názik tásilderdi qoldanyp, talǵampaz atanǵan.

«HH ǵasyr qylqalamǵa ózgeris alyp keldi. Sotsıalıstik realızmniń sheńberinen shyqqan qazirgi qazaqstandyq sýretshiler kórkemdik massamen aıyryqsha jumys isteıdi. Olardyń shyǵarmalarynda dala – jazyqtyq stılızatsııasy oryn alǵan. Qazaq dalasynyń kórneki mańyzdy elementterin, kóshpendilerdiń fılosofııasy men qundylyqtaryn beıneleıtin grafıkalyq belgilerdi baıqaýǵa bolady»,- dep atap ótti mýzeı ókilderi.

Kórme 21 jeltoqsanǵa deıin jalǵasady.