Almatyda sulýlyq salony men dúken ornalasqan ǵımarat órtendi
Almaty qalalyq TJD-nyń aqparaty boıynsha, búgin saǵat 12:21-de 101 pýltine Naýryzbaı aýdany, Jandosov kóshesi, 11 A mekenjaıynda órt shyqqany týraly turǵyndardan 7-10 habarlama túsken.
«Órt sóndirýshiler 6 mınýtta jetken sátte eki qabatty ǵımarat shatyrynyń jabyndysy men ǵımarattyń syrty órtenip jatqanyn anyqtady. Qyzyl jalyn 100 sharshy metrdi alyp, órttiń kórshiles eki qabatty turǵyn úıge taralý qaýpi týyndady. Órt saǵat 12:37-de oqshaýlanyp, saǵat 12:43-te joıyldy», - dep habarlady TJD-dan.
Órt sóndirýshiler ekinshi qabattaǵy sulýlyq salony men birinshi qabattaǵy azyq-túlik dúkeniniń, japsarlas salynǵan úı-jaılardy órtten aman alyp qaldy.
«Sonymen qatar, órttiń shashtarazǵa jáne irgeles ǵımarattaǵy turmystyq hımııa dúkenine ótýine jol berilmedi. Zardap shekkender bolǵan joq. Órttiń sebebi anyqtaý úshin oqıǵa ornynda Órt sóndirý zerthanasynyń anyqtaýshylary men mamandary jumys istep jatyr», - dep habarlady departamentten.