Almatyda sý men káriz júıesine boryshker 262 tutynýshynyń isi sotqa jiberildi

ALMATY. QazAqparat - Almatyda sý men káriz júıesine boryshker 262 tutynýshynyń isi sotqa jiberildi. Bul týraly QazAqparat tilshisine «Bastaý» MKK baspasóz qyzmetiniń mamany Serik Shaǵyrov habarlady.

Qazirgi tańda Almaty turǵyndarynyń sýmen qamtý qyzmeti úshin qaryzy 158 mln. teńgeni qurap otyr. Onyń ishinde zańdy tulǵalardyń qaryzy - 50, jeke tutynýshylardyń qaryzy - 108 mln. teńge.

Al, káriz júıesine Almaty tutynýshylary 157 mln. teńge qaryz.

«Almatyda sý men káriz júıesine boryshker 262 tutynýshynyń isi sotqa jiberildi. Jyl basynan beri boryshker zańdy tulǵalardyń meken-jaılaryna qaryzdy tóleý qajettigi týraly 1500 eskertý, 8280 telefonogramma jiberildi», - dedi ol.

Sáýir-mamyr aılarynda sýyq sý men káriz júıesinen 609 zańdy tulǵa, 549 jeke úı, jyl basynan beri 1114 páter káriz júıesinen ajyratyldy.