Almatyda stýdentterdiń jataqhanada turýyna tyıym salynbaǵan - Bekshın

ALMATY. QazAqparat –Almaty qalasynyń bas sanıtarlyq dárigeri Jandarbek Bekshın stýdentterge jataqhanada turýǵa tyıym salynbaǵanyn basa aıtty, dep habarlaıdy QazAqparat tilshisi.

Onyń aıtýynsha, sanıtarlyq -epıdemıologııalyq baqylaý departamentine stýdentterden resmı saýal túspegen.

«Stýdentterdi jataqhanada ornalasýy boıynsha qandaı da bir resmı shekteýler joq. Basqa óńirlerden kelgen birinshi kýrs stýdentterin joǵary kýrs stýdentterinen bólek ornalastyrdyq. Sebebi, abıtýrıentter arasynda koronavırýs ınfektsııasyn juqtyrý jaǵdaılary boldy. Bólek ornalastyrý aýrýdyń jappaı taralýyn boldyrmaýǵa múmkindik berdi. Taǵy da qaıtalap aıtamyn, biz stýdentterdi qonystanýyna qatysty eshqandaı shekteýler qoıǵan joqpyz», - dedi Jandarbek Bekshın.
Almaty ákiminiń orynbasary Erjan Babaqumarov stýdentterdi jataqhanamen qamtý máselesi shetin jaıt ekenin aıtty.
Ol stýdentterdi jataqhanadan shyǵarý boıynsha naqty faktilerdi ákimdikke joldaýdy surady.