Almatyda stýdentterdiń jappaı tóbelesi vıdeoǵa túsip qaldy
16:05, 24 Aqpan 2023
ALMATY. QazAqparat- Almatyda stýdentter jataqhanasynyń janynda jappaı tóbeles boldy, dep habarlaıdy QazAqparat tilshisi.
Oqıǵa ornynan túsirilgen vıdeo áleýmettik jelilerde tarady.
Beınejazbada bul jaǵdaıdyń ýnıversıtet jataqhanasynyń birinde bolǵany jazylǵan.
Almaty qalalyq polıtsııa departamentiniń málimetinshe, jastar arasyndaǵy jappaı tóbeles 23 aqpan kúni 23:00 shamasynda Almaty qalasynyń Bostandyq aýdanynda bolǵan.
«Patrýldik polıtsııanyń birneshe ekıpajy tóbeles ornyna bardy. Nátıjesinde 11 qatysýshy ustaldy. Buzaqylyq deregi boıynsha QR QK 293-babynyń 2-bóligimen sotaldy tergeý bastaldy. Janjaldyń basqa mán-jaıy anyqtalyp jatyr», - dep habarlady vedomstvodan.