Almatyda stýdentter arasynda fýtzaldan álem chempıonaty ashyldy

ALMATY. QazAqparat - Almaty Arenada fýtzaldan stýdentter arasyndaǵy álem chempıonaty salatanatty túrde ashyldy, dep habarlaıdy QazAqparat tilshisi.

Týrnırdiń ashylý saltanatyna Bilim jáne ǵylym mınıstri Erlan Saǵadıev, FISU vıtse-prezıdenti Marıan Dymalskı, Almaty qalasynyń basshylyǵy, belgili sportshylar, mádenıet qaıratkerleri, JOO rektorlary qatysty.

Almaty ákimi Baýyrjan Baıbek chempıonatty saltanatty túrde ashyq dep jarııalady. Tóreshi Talǵat Dosmuhamedov pen Qazaqstan erler quramasynyń kapıtany Birjan Orazov sportshylar atynan ádil kúres týraly ant berdi.

HATÝ rektory, Ulttyq stýdentter lıgasynyń prezıdenti Damır Shynybekovtiń aıtýynsha, 16 jyldan beri Stýdentter álem chempıonatyna qatysýshylardyń sany rekordtyq mejege jetken: bıyl týrnırge 17 elden 25 komanda, 454 stýdent qatysyp otyr.

FISU vıtse-prezıdenti Marıan Dymalskı Almaty sport jarystaryn únemi joǵary deıgeıde uıymdastyratynyn aıtyp, osy týrnır de tamasha ótetinine senim bildirdi.

Ashylý saltanatyna qazaq estradasynyń juldyzdary qatysyp jatyr. Sharanyń basynda 2014 jylǵy Olımpıadanyń qol júldegeri, mánerlep syrǵanaýshy Denıs Tenge arnalǵan qoıylym kórsetildi.